خواطر من القلب الى القلب

مايستحقش يكون ليه فى حياتى مكان
مايستحقش أفكر فيه لحظة كمان
هو اللى ابتدى وباعنى وفضلت لرجوعه مستنى
كان شوقى ليه عمال يكبر ولاقيته هو اللى كسرنى

اديته أحلى سنين عمرى... وكنت ليه مسلم أمرى
مايستحقش أفتكره... لأنه قل أوى فى نظرى

كان كل يوم حبى بيكبر... وليلاتى أسهر فيه أفكر
دلوقتى لوقلت بحبه... هاتبقى كدبة مش أكتر

كان أملى يعرف انى حبيبه... مش ممكن أفكر يوم أسيبه
ماقدرش يفهم احساسى... ماقدرش يفهم ويقدر

راجعلى بعد مانسيته...وحلفت أنسى اللى أسيته
لا ياحبيبى خلاص انسى... رجعت لية متأخر



  افتكر 


كل الدنيا عرفت ﺇنى خلاص هويت
قلب فى يوم وليلة خلانى بكيت
لويغيب عن عينى يوم ماقدرش أعيش
والبعاد خلانى من الأحلام صحيت

لما شافوا دموعى قالوا ﺇنى حنيت
وأنا والله ماكنت فى يوم نسيت
كنت فاكر ﺇن قلبه محبنيش
ليه ظلمته ليه يا قلبى عليه جنيت

لوتشوف ياقلبى حنين قد ايه
لوتنام وتحلم فى الحلم تلاقيه
كل شىء فى الدنيا عندى مايساويش
لحظة واحدة بس أعيشها قصاد عنيه

افتكر ياقلبى حبه وشوقه ليك
اوعى تنسى ياقلبى لمسته ﻹيديك
افتكر ﺇنه قال ماتنسانيش




صوت حبيبتى 



صوت حبيبتى صوت حنين صوت رقيق
خطف قلبى وخدنى معاه ف بحر غريق
بيخطف قلبى ف كل مرة تقول كلمة حبيبى فيها
ينام قلبى يحلم ببكرة ويستنى لمسة ايديها

صوت حبيبتى... صوت حنين صوت رقيق

لما تبقى جنبى تهمس تقول عاشقانى
وأما تبعد عنى قلبى يقول واحشانى
كل دقة ف قلبها دايما تنادى وتقول حبيبى
يسمع قلبى ويجرى عليها ويقولها أنت نصيبى

صوت حبيبتى... صوت حنين صوت رقيق

كل ليلة قلبى يحلم يبقى معاها
مش قادر ع البعد خلاص...عاشق قلبى هواها
عاشق ضحكة حب عمره وسهره طول الليالى
همسة ف لمسة خدتنى عنيها واتغير ساعتها حالى

صوت حبيبتى... صوت حنين صوت رقيق 


تفتكر 





تفتكر هاينسانى....ولا هايفتكرنى
ويقوللى نرجع تانى ياحبيبى ياشاغلنى
ياقلبى رد علية... وبلاش كدة تتعبنى
ماتلفش وتدورعلية سؤالى محيرنى
طب أبين ولا أخبى شوقى للى هاجرنى
فى بعده أنا دبت ياقلبى..امتى ييجى يصالحنى


حبى ليه خلانى أسامحه وياريته يسامحنى
لو مش جاى أروح أصالحه حتى لوكان جارحنى
حبى له مالوش آخر وحنينى مدوبنى
نفسى أغمض عينى وأفتح ألاقيه قريب منى
محتاج أحس بحضنه وكلامه يطمنى
ويقول ان حبى ف قلبه وخلاص مش شايل منى
تفتكر هاينسانى....ولاهايفتكرنى؟

 
ماتنسانيش 


ماتنسانيش أمانة عليك حبيبى تفتكرنى
ماتبعدنيش عن عيونك خلى قلبك دايما فاكرنى

لاهنسى أجمل سنين معاك...ولاتنسى قلب ف يوم هواك
ومهما تبعد مهما تغيب...عمر ماقلبى ف يوم ينساك
سبت قلبى ف نار وعذاب...ف بعدك قلبى كله جراح
سبت قلبى ل داب...فى حبك وعاش مرتاح

كل شىء ف الدنيا يهون...علشان تعيش أحلى سنين
وصى قلبك انه يصون كل عهد بينا وحنين
افتكر أجمل أحلام...اللى حلمنا بيها زمان
هافتكر أجمل أيام...صعب علية أنسى اللى كان
تحياتــــــي للجميـــع...